Shree Krishna Janmastami श्रीकृष्ण जन्माष्टमी

 भगवान् श्रीकृष्णको जन्म भएको दिन अर्थात्  भाद्र कृष्ण अष्टमीको दिनलाई नै कृष्णाष्टमी भनिन्छ । महाभारत ग्रन्थमा श्रीकृष्णलाई सर्वोपरि ठानिएको छ । उनै कृष्ण मैत्री करुणाा र सत्यका पक्षपाती हुन् । उनै भगवानप्रति मैत्री भाव राख्नेे दिनलाई श्रीकृष्णाष्टमी वा श्रीकृष्णाजन्माष्टमी पर्वको नामले  चिनिन्छ । भगवान् श्रीकृष्ण विष्णुकै एक अवतार हुन् । त्यसैले यिनलाई हिन्दुहरुको आराध्यदेव नै मान्ने चलन छ ।

श्रीकृष्ण जन्माष्टमी पर्व हिन्दुहरुका विशेष पर्वहरुमध्ये एक महान पर्व हो । यस दिन उनै कृष्णको सम्झना स्वरुप विभिन्न कार्यक्रमहरु गरिन्छ । यस दिन ललितपुरस्थित पाटनको कृष्ण मन्दिरमा भव्य रुपमा पूजाआजा व्रत उपासना र जाग्राम गरी  कृष्णको जन्मोत्सव मनाउने चलन छ भने देशभरका हरेक कृष्ण मन्दिरहरुमा पनि सोहीअनुरुपका कार्यक्रमहरु हुने गर्दछन् । पाटनको कृष्ण मन्दिरमा त यस दिन राष्ट्राध्यक्ष स्वयम् उपस्थित भई पूजाआजा गर्ने प्रचलन रहेको छ । मित्रभाव करुणा दया सत्य र आस्थाको प्रतीकको रुपमा यो चाड मनाउने गरिएको छ ।

श्रीकृष्णको बारेमा हेर्नुहोस् यसै ब्लग पेजको "भगवान् श्रीकृष्ण" शीर्षकमा .............................. 

कृपया यस सामग्रीलाई अध्ययन गरिसकेपछि कमेन्ट फलो र सेयर पनि गरिदिनुहोला ।